love diarrhea

-

مترح ما تروحي هتلاقيني .. يا حبيبي بروحي حواليكي

علشان لو عايزه مني حاجه .. فى ثواني حبيبي اجيبها ليكي

ولو حد اتجرأ و آذاكي .. امحيه بإشاره من إيديكي

-

ف الدنيا مليش غير هواكي .. عاشق سحرك .. دايب فيكي

لو عايزه تروحي و تسيبيني .. هجري ع القسم و اشتكيكي

راح أقول الحلوة جننتني .. وهقول إزاي قلبي شاريكي

-

مش عايز م الدنيا دي غيرك .. أشبع لو أشوف ضي عينيكي

فى عيونك أنام و تغطيني .. برموشك وأتونس بيكي

أنا عارف إنك حبوبة .. لو أضايقك ميهونش عليكي

-

إمتى يا حبيبي هتكونيلي .. وتقولي البيه ده يبقى ديكي

-

-

مجنوووون

-
بحبك حب يخلي الواحد ... كده زي المجنون
علشان يا حبيبي انت اللى شاغلني ... ولا زيك ف الكون
-
علمت القلب يغني " بحبك اوي " يا ابوقلب حنون
يقعد يكتب عنك أغنية .. توصف احلى عيون
-
وياك انا قلبي ارتاح .. الهم خلاص انزاح
ودماغي خلاص رايقه ومش فايقه لغيرك مهما يكون
-
بحبك حب يخلي الواحد .. كده زي المجنون
علشان يا حبيبي انت اللى شاغلني .. ولا زيك ف الكون
-
انت اللى عليك حكاياتي حبيبي .. من كل شكل و لون
لو تبقى ف اخر الدنيا بجيلك .. مانا ويالك شمشون
-
الناس حاسداني عليك .. خايف م العين دى عليك
والحل السحري لحالتي حبيبي .. نجيب واحد مأذون

-

-

بحلم

-

بحلم كل ليلة .. وإمتى يا حلم هتبقى حقيقة

إن حبيبي ينور ليلي .. نعيش سوا كل دقيقه

-

حبه ف قلبي بيكبر .. شايل ليه أحلام بريئه

شايف الحب .. وشايف العيله .. ف عيونه الرقيقه

-

إمتى يا حلم هتبقى حقيقه .. و نبدأ نبني حبيبي فى بيتنا

خطوة بخطوة .. الحلم هيبقى .. والفرحة هتملى دنيتنا

-

الدنيا هتبنى ويانا .. طول ما نحبها .. إيدها فى ايدنا

إنتى حياتي و أم ولادي .. سوا يا حبيبي نعيش فرحتنا

-

-

ع البحر

-

ع البحر هنقعد .. نتكلم .. وهقولك سرّ

يا حبيبي أنا مش عايز غيرك .. من بين الكلّ

-

ع البحر و في الرمله هنبني .. بيت لينا كبير

هنعيش فيه ليالي عشان نحلم و نحب كتير

-

ع البحر هألف أغنيه .. عشانك أغنيها

من ضي عيونك أنا كاتبها .. وحكايتك فيها

عن ضحكة قلبك .. عن روحك .. عن سر جمالك

والكلمة اللى هقولها حبيبتي .. أنا عايش بيها

-

ع البحر هقولك , أنا بحبك .. نسيني جروحي

يا حكاية عمري يا أغنية .. يا حياتي يا روحي

-

-

-

ع البحر .. العريش .. صيف/2009م / طنطـــــاوي

-

مش قادرة

-
مش قادره تخافى عليه .. زي حبيبي م بخاف عليكي
مش قادره تحسي بشوقي .. ولا اللى انا شايله ف قلبي ليكي
-
مش قادرة تحبيني .. ولا قادرة تكوني ليّه
مش قادرة تكوني حياتي و عمري و أجمل لياليّه

-
مش قادرة تقولي بحبك .. مش قادرة تقولى عيزاك
مش قادرة تغني معايا .. تقولي بحبكَ .. عمري معاكَ
-
وانا من جوايا بحبكِ .. طول عمري .. بحلم أقابلكِ
عايش برسم انا صورتك .. إرجعي .. حبيني
-
وأنا ليه من غيرك أموت .. تعاليلي بحبك موت
العمر معاكي يفوت .. فى عنيكي .. خبيني
-
مش قادرة معايا تحسي ... الحب ده ليه
وأنا قلبي ماليه .. حبك و هواكي

-
مش قادره تشوفى عيوني .. مش فاهمه ده ايه

عمري و ما فيه .. كله ده فداكي

-

-

آه لو أنسى

-
نفسي أنسى الوحده .. وأبقى معاك
كفايه هواك .. على بالى
-
نفسي أعيش الدنيا .. وأنا وياك
ده وجودي معاك .. بيحلالي
-
حبيبي يا كل ما ليّـه
ياريت قلبك يكون ليّه
ياريتني أكون .. ياروح قلبي .. فى حضن عينيك
-
كفايه تقولى محتاجلي
كفايه بس تندهلي
عشان عمري يكون ملكك .. ما يغلى عليك
-
-

ومين غيرك

-
ومين غيرك أنا يا حبيبي بحتاجله
ومين غيرك بعيش الدنيا بندهله
انا علشانك انت بعيش
وغيرك انت بس مليش
-
إوعى يوم تزعل حبيبي مني
دمعك ده بيجنني .. تبكي عيوني معاكَ
إوعى حبيبي يوم تخاصم عيني
حبك ده بيقويني .. عايش أنا على هواك
-
لو عايزني حبيبي أجي .. علشانك قول
لعيونك دول .. أنا أهد جبال
لو عايزني حبيبي اديلك .. كل حياتي
قولها وحياتي .. تلاقيني ف الحال
-
-

محتاجلك

-
هتعمل ايه من غيري
ومين يقولك .. غيري أنا .. يا حبيبي
-
هتعمل ايه من غيري
ومين يخاف .. م الناس عليك .. يا حبيبي
-
الحب يا عمري انا اللى اخدتك ليه
عشنا لياليه .. و حكينا عليه
ليه تفكر تنسى الحب وتنساه ليه
وحياتنا دى فيه .. لحنه وغناويه
-
وإيه .. قلبي تاني يقوله .. عيني مش بتقوله
قـَــسّى قلبك .. إيه
وإيه .. لسه مستنيه .. غير قلب إنت مليه
كمـّـل حكايتك .. بيه
-
هتعمل ايه من غيري .. ومين يحبك غيري
ومين تقوله ... حبيبي
-

كـــان

-
كان .. كل أملي معاك
كلمه بحبكَ .. تيجي يوم وتقولها ليّه
تعبان .. عاشق وبستناك
قولي بحبكَ .. علشان حبيبي ترتاح عنيّه
-
النهارده حبيبي جاي .. بتقول بحبكَ
قلبي انا دايب فى حُـبك
نفسي اكون طول عمري جنبك
نفسي أكون يا حبيبي ليك
-
النهارده حبيبي جاي .. بتقول بحبكَ
قولها تاني .. ياحبيبي سامعكَ
عمري يوم أنا ما أنسى قلبكَ
من زمان بنده عليك
-

نفسي

-
نفسي أكون علشانكِ .. أنا أحسن واحد ف الدنيا
لو كان بإيديّه ياعمري اديكي حياتي ما افكر ثانيه
الحب عرفته انا بيكي .. وحياتي رسمتها ليكي
ولا عمر القلب يدق لاي واحده تانيه
-
هفضل احكي واغنيلك .. عن حب فى قلبي باقيلك
سهران يا حبيبي أناديلكِ .. برسم عينكِ وأشكيلكِ
عن قلب بيعشق ليلك .. قلبي مجنون عليكي
-
لو يوم آجي فى احلامك .. نفسى اتكلم .. أقولهالك
عن ضحكة عيني قدامك .. عن دمعة أبكيها بدالك
وياريت لو أبقى ف بالك .. راح أقدم عمري ليكي
-

نفسي أفهمك

-
نفسي حبيبي أفهمك
نفسي الكلام اللى في عيونى يطمنك
نفسي تكون الطيبة فيك .. بتفهِّمَـك
شوقي لعنيك .. خوفي عليك .. ياريت حبيبي يـِوْصَـلك
دى حياتي بيك .. والعمر ليك .. نفسي اللى فيّه يعرّفك
-
ساعات .. بحس ان انتي خلاص مش عايزه غيري
وساعات .. بشوف اللهفه فى عينك لما تغيري
ساعات .. بحس ان انتى سعيده فى بعدك عني
وساعات .. بلاقى كلامك ليّـه بيـــــــاخدك مني
-
نفسي تحس بناري لما تغيب .. عن عيني ثواني
نفسي تقدر لهفة قلبي عليك .. لو مش قدامي
نفسي تبطل تتحداني
كفايه إن انت هتبعد تاني
نفسي حبيبي تجيني شاريني .... جايلي بتهواني
-

لو كنت بتحبني

-
لو تعرف .. يا حبيبي
لو تعرف قلبي من قبلك .. ازاي انا عشت اداريه
خايف من جرح ملوش اخر .. خايف من الظلم عليه
لو تعرف ازاي حبيتك .. وازاي انا من قلبي هويتك
وفى حضني من الناس خبيتك .. ماصدقت حبيبي ألاقيك
-
لو قلبي هويته ليه .. ساكت ومداري عليه
انا قلبي عملك ايه .. علشان تجرح فيّـه ؟؟
-
لو كنت بتحبني .. طب ليه يا حبيبي سبتني
ارجعلى .. جننتني .. وكفايه بقه عليـّـه !!
-
لوخايف مني هتبعد فين .. هتلاقى زييّ يحبك مين
هيشيلك جوه رموش العين .. انت مخلوق ليّــه !!
-
لو نفسك في الجنه تعيش .. وفى حب مبينتهيش
تعالالى غيرك انت مليش .. داوي جراحك بيـّـه !!
-
لو تعرف .. ايه جوايا
وازاي حبك .. ده منايا
كان همّـك يبقى رضايا
كان حلمك تبقى معايا
-

تسألني ليه

-
ليه كلامي وحبي .. مش فى بالك
ولا حتى بييجيى فى احلامك
ولاعمرك فكرتي تقولي .. فاكرني ليه ؟؟
-
مهما كلامك كان قاسى
مهما هتبعدي مش ناسي
حبك حياتي وإحساسي
أنساكي ليه ؟؟؟
-
ليه حبي وشوقي مش واصلـّـك
ومن غير الحب , مين فاضلك
عمرنا بيضيع وايه ياعمري .. هنخاف عليه ؟؟
-
مهما هتبعدي مش هقدر
انساكي ليله , بدوب اكتر
الحب فى بعادك اكبر
هنبعد ليه ؟؟
-

علشانك

-
لو زعلانه
لو كان الحزن .. قرّيـب منــك
لو ليله سهرانه ويــــا همـّـك
والدمعه تــــــلازمك
ازاي راح اعيش ؟؟
-
لو تعبانه
لو قلبك كان قلقان .. محتار
لو روحك عايشه فى وسط النار
حاسه بمـــــرار
وغيرك انتى مليش ؟؟
-
علشانك انتى اهد الدنيا .. ابنيلك حلم جديد
علشانك ممكن اضيع عمري .. ويهون العمر اكيد
علشانك .. انا هتحدى الكون .. طلباتك جاهزه و مهما تكون
علشانك .. اجيب الحلم فى ثانيه .. لو حتى بعيد
-
لو كان في ايديه اشيل الدمعه .. اللى في عينيكي
لو كان في ايديه اقيدلك شمعه .. تملى الدنيا عليكي
لو كان في ايديه اجيب الشمس .. تنورلك لياليكي
لو كان في ايديه أضمك ليه .. أنا روحي هتفرح بيكي
-
علشانك ممكن اكون فنان .. وارسم عينك يا أميرتي
علشانك صوتي يغني كمان .. هيصالحك لو يوم غيرتي
علشانك انا هعمل الحان .. هنغني ولا يمنعنا مكان
علشانك هفضل جنبك انا عمري .. لو مهمـا كبرتي
-

عمري ما حبيتك

-
عمري ما حبيتك
ولا يوم القلب سهر علشانك
ولا يوم العين راحت لمكانك
-
عمري ما هويتك
ولا يوم غنيت فى هواك اغنيه
ولا يوم كنت فى احلامي امنيه
-
وصحيح ان انت عيونك حلم كبير
ليها سحر خطير .. ولا ليها مثيل
وصحيح ان انت ملاك فى السما بيطير
وعليه بغيـر .. والوصف قليل
-
عمري ما حبيتك
ولا يوم يا حبيبي ناديتك
ولا يوم من روحي هويتك
ولايوم القلب اختارك .. وعليك العين
-
وصحيح الخوف من روحي اهو راح
لكن فى القلب .. حبيبي جراح
الحب ملوش فى هواك راحه
وصحيح فى البعد عليك ملهوف
وصحيح علمت القلب الخوف
الحب خلاص جه بصراحه
-
عمري ما حبيتك
ولا يوم من ايامي انا جيتك
واستنيتك ولا مره لقيتك
ولايوم انا حسيت نارك .. و نسيت انا مين
-

كان صعب عليك

-
كان صعب عليك .. تقولى حبيبي انك حبيتنى
كان صعب اكيد .. تشوف الحب فى عيني كده وتسيبني
-
ولا كل كلام الحب اللى انا عشته ... علشانك جه يوم حسيته
ولا كل الشوق اللى بيسبق .. قلبي ويجيلك حبيته
ولا كل دموعى عليك .. وليالي سهر بناديك
و آهات قلب بيشكيك
هتقولك ايه بيـّــه
-
ولا كل كلام الناس اللى شافوني .. حسو بحناني وعرفوني
ولا كل حكاوي اللى لاموني .. هتنسيني ان انت عيوني
ولا كل الشوق لعنيك .. أحلامي انى الاقيك
و اللهفه حبيبي عليك
توصف حبك فيــّه
-

لو فين ماتكون

-
كلمه فى تليفون .. حسيت وياها انك محتاجه لحد معاكى
دمعه و هتكون .. اغلى حبيبي عليّه من انى استنى لقاكى
-
لو بينا بلاد يا حياتي .. فى ثانيه هعديها
وبالفرحه امليها .. ولا يوم تبكي
الحب فى قلبي عشانك .. كلمه بغنيها
قصه هخليها .. عنك تحكي
-
فكر واسألني .. انا ليه هنا اهه .. ياحياتي مستني
انا ليه علشانك بس بغني
انا ليه مش شايف في الدنيا دي .. غيرك يا حبيبي
-
سايبك مع اني .. فى بعادي حبيبي .. الشوق جنني
و واحشني يا روح العين والنني
انا ليه من قلبى وروحي بقول ان انت نصيبي
-
لو فين ما تكون وبعيد .. العين شايفاك
والقلب معاك .. انت حياته
دوّر واختارك انت .. علشان يهواك
ويعيش وياك .. انت ملاكه
-

حاجة غريبة

-
حاجه غريبه
قال ايه انا وانت قاعدين هنا
وايديك يا حبيبي فى ايديه
والناس حوالينا متجمعا
وبجد هيغمى عليه
انا روحي خلاص راحت وراك
مش عايزه حاجه الا رضاك
ما الحب كله هنا اهه معاك
وكلامي بقه كله عليك
-
م الفرحه حبيبي انا مش هصدق تاني
حد يتحداني
ويقولي اختاروا البـُعد
ما خلاص حلمنا عشناه , جمـّعنا الليله
فى حكايه جميله
وبقينا لبــــــــــعض
-
حاجه غريبه
قال ايه شغلو مزيكا هاديه
علشان هنرقص سوا
هلمس ايديك , قلبي يناديك
هنطير فوق ف السما
عينك عليه .. دانا م اللى فيه
خايف لأقع .. يضحكو عليّه
لما حبيبي تبقى عنيه
سارحه فى حضن عينيك
-
الليله حبيي .. انا عمري .. بدا من تاني
مش هكون وحداني
إنت عـُـــــــــــمر جديد
والدبله خلاص ربطت .. اسامينا الليله
الحب هنا حوالينه
والجاي احــــــلى اكيد
-
حاجه غريبه
قال ايه وبقينا لبعضنا
والحلم معدش خيال
فستانك ابيض وحلاوتك
ملهاش يا حياتي مثال
زغاريط بتلالي من جمبنا
و الضحكه عايشه فى قلبنا
والفرحه خلاص جت عندنا
ياحبيبي انا عمري ليك
-
-

كل سنة وإنت طيب

-
الليله أنا بحلم أبقى فى حضنك .. بحلم أبقى معاك
الليله يا عمري سنه بتعدي .. ف عمرك وأنا وياك
وكل سنه وإنت طيب
-
هنطفى حبيبي الشمع الليله .. ونبدء قصه جديده
أبطالها أنا وإنت وبس حبيبي .. الفرحه هتبقى حقيقه
وأنا هنا مش عايز غيرك .. على كده بقه كتر خيرك
م العمر يعدي .. مدامك جنبي .. حبيبي ناقصنى إيه ؟؟
-
الشمع الليله عشانك غنى .. وبيقولك ياحبيبي اتمنى
أحلامك .. لو حتى الجنه .. هتكون ملك إيديك
-
وأنا هنا ياملاكي بدعيلك .. اطلبني حبيبي وأنا اجيلك
عن أحلامنا , ياحياتي أحكيلك .. أنا ملكك .. أنا ليك
-
-

مليش غيرك

-
مليش غيرك
هواكي فى قلبي ده حكايه
كاتبها .. شايلها جوايه
مفيش غيرك فى أحلامي
أنا عايزك هنا معايا
-
مليش غيرك .. أغنيله
مليش غيرك .. أنا أحكيله
مليش غيرك .. أدوب في هواه .. ياريت عمري معاه
-
مليش غيرك
وهفضل عمري أناديلك
فى وسط الليل أنا دليلك
يا ضحكه مليها أي مثيل
لو أجى في بالك .. أنا أجيلك
-
مليش غيرك .. بيحلالي
مليش غيرك .. على بالي
مليش غيرك .. غلاوته تزيد .. ولو حتى بعيد
-

مش عارف احبك اكتر

-
مش عارف أحبك أكتر .. من اللى شايله فى قلبي ليك
كل كلمة حب عندي .. مش هتوصف خوف عليك
يا حبيبي , كل أملي .. نظره الحب في عينيك
-
ليه كل عيوني ما تلمح قمر السما .. بتفكر فيك
ليه كل ما أغني أنا غنوه بقول يا حبيبي و بحكي عليك
ليه كل ما بكتب قصه أنا بكتب عن سهري ف لياليك
-
حبيبي .. مش عارف أحبك أكتر
والشوق عمال بيكبر
يا حبيبي تعالى نحلم .. و نكون سوا
حبيبي .. مش عارف أحبك أكتر
فى عينيك يا حبيبي بسهر
يا حبيبي قرب اكتر .. عيش الهوا
-
ليه كل ما برسم قلب انا بكتب اسمك دايب فيه
ليه كل ما بحلم حلم بشوفك .. انت قمر لياليه
ليه كل ما بلمس ورد .. تكون صورتك يا حبيبي عليه
-
مش عارف أحبك أكتر
كل كلمه يا حبي أصغر
انها توصف .. تعبر
عن غرامى وشوقي ليك
-
-

أنا حبيته

-

أنا حبيته و قولتله .. إني بموت .. من شوقي ليه

أنا حبيته و قولتله .. شاغل بالي .. خوف عليه
-
لا كلامي سهر عيونه .. ولا حبي خدني لهواه
ولا كل شوق الليالي .. خلاني عايش معاه
ولا ألف كلمة هقولها .. تسوى عندي لقاه
-
سهران و بفكر فيها .. بعيوني وروحي شاريها
وبعيده عني .. قريبه مني .. بتوحشني عنيها
والحب عرفته انا بيها .. وطريقي رسمته عليها
وانا هفضل عايش .. أيوه أنا عايش .. أنا عايش ليها
-
-

من يوم

-
من يوم ما قابلتك و انا حاسس .. اننا هنكون لبعض
و العمر ما بينا يا حبيبي .. مفيهوش ولا لحظة بـُعد
والقلب اللى عشانك عايش.. عمره ما ينساك و ده وعد
-
بعنيكي بشوف الدنيا .. و بفهم بيها حياتي معاكي
بإيديكي هحس طريقي .. مادام في نهايته حبيبي لقاكي
والحب ما بينا حكايه جميله .. بتحكي يوماتي هواكي
-
على همس كلامك يا حبيبي .. انا بصحي و انام و بعيش
النظره اللى بتيجي في عيونك .. قصه و متتـنسيش
انا كل حياتي .. آهاتي حكاياتي .. تموت لو يوم متجيش

-

بفكر فيها

-
بفكر فيها
شغلاني عنيها
والليل انا دايما عايشه عشانها
وبحلم بيها
-
حكاياتي حواليها
لو هحكي عليها
مش ممكن اقول كل اللى انا حاسه
و شايله انا ليها
-
من اول مرة انا شفتك فيها .. شغلتي هوايا
احلامي حبيبي بقت حواليكي .. بقيتي جوايا
ف عنيكي حكايه .. انا وانت بدايه .. ما ليها نهايه
والحب عرفته .. في قربك مني .. يا كل منايا
-
لو ببعد عنك .. قلبي ياخدني و يرجع ليكي
لو بسمع صوتك .. عيني بتغير من شوقها عليكي
لو يوم بتغيبي .. بسيب الدنيا .. و أحن إليكي
علمتي القلب .. يحبك انتى .. يكون في ايديكي
-

إمتى هتقولها

-
امتى هتقولها .. حبيبي
كلمة .. و انا طول عمري مستنيها
وعايش ليها .. ليالي كتير
امتى هتقولها .. حبيبي
امتى بقه هتجيني .. عشان تحييني
نعيش يا حبيبي .. ف حلم كبير
-
بحبك .. قلبي ده مكانك
ونفسه العمر يبقالك
مفيش غيرك بيحلالي .. و مستنيك
بحبك .. و انت قدامي
و حتى لو في احلامي
دي صورتك نبضى وكياني .. و قلبي عليك
-
امتى هتقولها .. حبيبي
يالا .. انا تعبان .. ومحتاجلك
وفين قلبك ... يداويني
وامتى هتقولها .. حبيبي
يالا .. ده الاشواق .. بتندهلك
دانا حبك .. ملا عيني

-

ليه

ليه دايما بعيد ... ده في حياتى انت الوحيد
اللى حبه شيء اكيد .. صعب اعيش من غيره يوم

ليه قاسي في هواك .. وانا عمري كان يوم لقاك
يا حبيبي .. حلمى معاك .. في البعاد .. مبلاقي نوم


دانا قلبي من غيرك .. تاعبنى
وانت ولا همك .. سايبني
يا حبيبي .. يالا تعالى خدنى
بين ايديك .. هنعيش سوا


دانتا اللى فات .. و انت اللي جاي
وحياتى بيك .. راح تبقى ضي
يا ملاك .. و مافي منه زيّ
تعبان اوى .. و انت الدوا


دا الحب جوايا و مليني
والشوق دموعه ماليه عيني
يا عمري امتى خلاص تجيني
نعيش حياتنا .. حب و هوا>

إلا زعلك

دمعة عنيكي .. غاليه عليه
و الحزن فيكي .. هزني
حاسس بجرحك .. بتداري عارفك
ألمك و حزنك .. هدني
عمري ما كنت أتصور .. ان انت يوم تتغير
ضحكه عيونك تختفي
سيبلي حبيبي الجراح .. و كفايه عليك اللي راح
انا هبقى جنبك .. يا دنيتي
دموعك دي غاليه عليه .. في نهاري و طول لياليه
و نفسي أقولك يا عنيـّـه .. انا جنبك .. حبيبك